Бала ауруханаға жатқызылды
Павлодар маңында жүргізуші скутердегі жасөспірімді қағып кетті, деп хабарлайды Pavlodarnews.kz.
Облыстық полиция департаменті баспасөз қызметінің мәліметінше, 24 маусым күні сағат 22:10-да Павлодар ауылында Торговая және Степная көшелерінің қиылысында "Дэу Матиз" автокөлігінің 62 жастағы жүргізушісі скутермен соқтығысқан.
«Жол-көлік оқиғасы салдарынан кәмелетке толмаған мотоцикл жүргізушісі жарақат алып, ауруханаға жеткізілді». - делінген хабарламада.
Аталған факті бойынша тексеру жүргізілуде.