ШұғылЕлімізде тағы 7778 адамнан коронавирус анықталды

Мамандар Ноғайты өзеніндегі балықтардың қырылуына жылқының зәрі әсер етті деп топшылайды

Сондай-ақ қой тоғытқаннан да болуы мүмкін

фото: azh.kz

10 маусымда Қызылқоға ауданы Сағыз ауылынан екі шақырым жерде балықтың қырылып жатқаны жөнінде дабыл түсті. Өлі балықтар Ноғайты өзенінің Сағыз өзеніне құятын тұсынан табылды.

«Бұл факті маусымның 9-нан 10-на қараған түні анықталды. Біз дер кезінде бардық, облыстан да арнайы комиссия келді. Қаракөз және қызылқанат балықтарының шабақтары екі өзеннің құяр аумағында өлген. Өзіміздің жобалауымызша, бөлініп қалған суда жылқының зәрі, қой тоғыту салдарынан ауа жетпей өлуі мүмкін деп отырмыз», - дейді Қызылқоға ауданы әкімі Нұрсұлтан Бисембиев.

Аудан әкімінің айтуынша, өлген балық пен судың сынамасы облыстық ветеринариялық зертханаға тапсырылған.