13 жастағы бала адам өлтірді деген күдікпен қамауға алынды

АҚШ-тың Нью-Йорк қаласында адам өлтіру фактісі бойынша 13 жастағы бала қамауға алынды. 

Ақпарат көздерінің хабарлауынша, күдікті Барнард колледжінің бірінші курс студентіне бірнеше рет пышақ сұғып өлтірген.

Қанды оқиға жергілікті саябақта кешкі уақытта болған. Пышақпен қаруланған 3 қаскөй студентке шабуыл жасап, тонамақ болған. Ауыр жарақат алған марқұм ауруханада көз жұмды. 

Оқиғаға қатысты қылмыстық іс қозғалды. Қолға түскен күдікті өзіне тағылған айыпты мойындады. Екінші күдікті тергеліп жатыр. Ал үшіншісі іздеуде жүр.