ШұғылҚазақстанда COVID-19 вирусын жұқтырғандар саны азайып келеді

Ақмола облысында ұлына пышақ салған тұрғынға қатысты тергеу басталды

Оқиға Приречное ауылында өткен жексенбіде болған

көрнекі сурет

30 мамырда Целиноград ауданының полиция бөліміне Приречное ауылының 63 жастағы тұрғынынан жұбайы ұлына пышақ жарақатын салғаны туралы телефон хабарламасы келіп түсті. Оқиға орнына келген полиция қызметкерлері ішімдік ішкен 64 жастағы ер адамның жанжал кезінде 30 жастағы ұлының сол жақ қолтық тұсына пышақ салғанын анықтады.

Жас жігіт ауруханаға жатқызылған. Ер адам өз ісін мойындады. Заттай дәлелдемелер тәркіленді. ҚР Қылмыстық кодексінің 106-бабы 1-бөлігі (Денсаулыққа қасақана ауыр зиян келтіру) бойынша сотқа дейінгі іс басталды.

Бұл оқиғаға қатысты сот-медициналық сараптама тағайындалды. Тергеу жалғасуда.