Ер адам жарақаттармен ауруханаға жеткізілді
Павлодар тас жолында мас велосипедшіні көлік қағып кетті, деп хабарлайды Azattyq Rýhy Pavlodarnews.kz-ке сілтеме жасап.
Облыстық ПД баспасөз қызметінің мәліметінше, 24 мамыр күні сағат 09:00-де Ленин – Курчатов автожолында, шеңбер маңында «Subaru Legasy» автокөлігінің 27 жастағы жүргізушісі жолды белгіленбеген жерден кесіп өткен велосипедшіні қағып кеткен.
"Жол-көлік оқиғасы салдарынан мас күйінде болған 1980 жылы туған велосипедші жарақат алып, ауруханаға жеткізілді", - делінген хабарламада.
Автокөлік арнайы айып тұрағына қойылды. Тексеру жүргізіледі.