ШұғылЕлордада Парламент палаталарының бірлескен отырысы басталды

Парик киіп, мұрт таққан: Алматыда қымбат көлік ұрлағандар ұсталды

Қаскөйлер арнайы техникалық құрылғылардың көмегімен көлік есігін аша алған

Арнайы құрылғысы бар ұрылар тобын Алматы полициясы залалсыздандырды, деп хабарлайды Azattyq Rýhy.

Қылмыстық топ құрамына 1955, 1970 және 1982 жылдары туылған үш адам кірген. Олардың екеуі - Алматы облысының тұрғындары, тағы бір қатысушы – алматылық азамат.

«13 мамырда күдіктілер Медеу аудандық аумағынан "Лексус-570" автокөлігін ұрлап кеткен. Осы кезде қаскөйлер техникалық құрылғыларды қолданды, олардың көмегімен көліктің пультіндегі сигналды оқып, байқатпай есігін ашты және ұрлап үлгерген. Күдіктілер өз құрбандарын бірнеше күн бойы бақылап отырғаны, оның қала бойында жүрген бағдарын зерттегені қазірдің өзінде анықталды. Жол талғамайтын көлік иесі кафеде кездесуде болған кезде, бөтеннің мүлкіне қолсұғушылық жасалды. Осы қылмысты ашу мақсатында арнайы тергеу-жедел тобы құрылды. Біраз уақыттан кейін қаскөйлер ұрланған көлікті жасырған үй анықталды. Бұл - Алматы облысы Талғар ауданы Бесқайнар ауылында жалға берілген тұрғын үй», - деді, Алматы қалалық Полиция департаментінің бастығы Қанат Тәймерденов.

Полицейлер осы іс-шараны арнайы жасақ сарбаздарының көмегімен өткізді. Аталған үйдің аумағында рұқсат етілген тексеру барысында ұрланған жол талғамайтын көлік, осы көліктің салонынан алынған ақшаның бір бөлігі, сондай-ақ, күдіктілер қылмысқа қолданған техникалық құрылғылар және жасанды шаш пен мұрттар тәркіленді.

«Біз дабылдың блокаторлары және иесінде орналасқан зауыттық қашықтан басқару пультінен дабыл беру үшін кәдімгі қолшатырға бүркемелу үшін жасалған арнайы антенна туралы айтып отырмыз. Қаскөйлер қылмысқа мұқият дайындалғаны және жедел деректер бойынша қылмыстың бұл түрін әрдайым іске асыруды жоспарлағаны анық. Алайда, айыпталушылардың қылмыстық жоспарлары жүзеге аспады. Қазір олар ұсталып, уақытша ұстау изоляторына қамалды », - деп түйіндеді Қанат Тәймерденов.