Павлодарда демалыс күндері екі бала жоғарыдан құлап кетті

Мереке күндері облыс орталығында екі баланың биіктіктен құлау фактісі тіркелді, деп хабарлайды Pavlodarnews.kz.

Облыстық ПД баспасөз қызметінің мәліметінше, Павлодарда төрт жасар бала үшінші қабаттан құлап кеткен. Бала мен анасы Павлодар ауданынан қонаққа келген. Үйде ересектердің болғанына қарамастан, бала аласа терезеге еркін көтеріліп, қолын масалардың торына тіреп тұрған кезде тормен бірге құлап түскен.

«Бала ауыр жарақаттармен облыстық балалар ауруханасына жатқызылды», - деді жергілікті полиция қызметінің арнайы тапсырмалар жөніндегі аға инспекторы Бибігүл Қамзина.

Айтуынша, балалар көбінесе ата-аналары қараусыз қалдырған кезде құлап кетеді. Егер бала бөлмеде жалғыз қалса, терезе жанында көтеріле алатын заттар болмауы керек. Терезенің өзі арнайы құлыптау құрылғыларымен, қапсырмалармен жабдықталуы керек, оларды терезелермен айналысатын компаниялар орнатады.