Өскеменде өрт шыққан көпқабатты үйден 12 адам эвакуацияланды

Өскемен қаласында өрт шыққан үшқабатты тұрғын үйден 3 адам құтқарылып, 12 адам эвакуацияланды, деп хабарлайды Azattyq Rýhy тілшісі ШҚО төтенше жағдайлар департаменті баспасөз қызметіне сілтеме жасап.

«Грибоедов көшесіндегі үшқабатты тұрғын үйде өрт шыққан. Оқиға орнына құтқарушылар шұғыл жетті. Бірінші кезекте 3 тұрғын құтқарылды. Оларды оттегі маскасының көмегімен қатты түтінденген кіреберістен алып шықты. Сонымен қатар тағы 12 адам эвакуацияланды, оның 4-уі бала», - делінген хабарламада. 

Белгілі болғандай, бірінші қабаттағы пәтерде диван жанған. Алдын ала мәлімет бойынша қызыл жалынның шығуына - отпен абайсыз әрекет ету себеп болуы мүмкін.