БҚО-да газдан уланған тұрғын көз жұмды

Оралда газдан уланған ер адам қаза тапты, деп хабарлайды Azattyq Rýhy тілшісі БҚО денсаулық сақтау басқармасының баспасөз қызметіне сілтеме жасап.

Оқиға 31 қаңтар күні 1 саяжай ауданында «Елочка» саяжай қоғамдастығында болған. 1963 жылғы ер адам жедел жәрдем келгенге дейін көз жұмды. Газдан уланған 1995 жылғы ер адам қалалық көпбейінді ауруханаға жеткізілді. Жеңіл дәрежеде газдан уланған 1997 жылғы қыз ауруханаға жатудан бас тартты. 

БҚО ТЖ департаменті болған оқиғаны растап, мән-жайы нақтыланып жатқанын жеткізді.