Алматыда мешіттегі садақа жәшігін тонаған ұры ұсталды

Алматыдағы мешіттердің бірінде садақа тастайтын жәшіктен 290 мың теңге ұрлаған ұры ұсталды, деп хабарлайды Azattyq Rýhy қалалық Полиция департаментінің баспасөз қызметіне сілтеме жасап.

Күдікті азаматтың ұрлығымешіттегі бақылау камерасына түсіп қалған, нәтижесінде 30 жастағы қала тұрғыны ұсталды. 

«Азамат мешітке кіріп, қолдан жасалған құралдармен қорапты ашып, 290 мың теңгені қолды еткен. Бұл мешітке келушілерден түскен садақа. Күдікті бұл әрекетке қаржылай қиындықтар көргендіктен барғанын айтуда», - дейді Алмалы ауданындағы полиция бөлімшесінің бастығы Мейірхан Жанабаев.