Оқиға Ыстықкөл облысында болған
Қырғызстанның Қарақол қаласындағы тау-шаңғы базасында 12 жастағы қазақстандық жасөспірім қаза тапты. Бұл туралы Ыстықкөл облысы ішкі істер басқармасының баспасөз қызметі хабарлаған.
«Бүгін, 12 қаңтар, шамамен сағат 15.00-де шаңғымен төмен сырғанап бара жатқан жасөспірім шыршаға соғылып, көз жұмғаны жайлы хабар түсті», - деді Ыстықкөл облысы ішкі істер басқармасының басшысы Ұлан Асанбаев.
Сот-медициналық сараптама үшін жасөспірімнің денесі Ыстықкөл облысының ауруханасына жеткізілді.