Павлодар облысында орманшы 8,5 млн теңгенің ағашын заңсыз кескен

Күдікті қылмысты ақпан-наурыз айларында жасаған, деп хабарлайды Pavlodarnews.kz.

Бұл туралы облыстық полиция департаментінің баспасөз қызметі мәлім етті.

«Ертіс аудандық полиция бөлімінің қызметкерлері жедел-іздестіру іс-шараларын жүргізу кезінде Ертіс өзені жайылмасының қорғалатын аумағында тал тұқымды ағаштарды заңсыз кескен деген күдікпен облыс орманшылықтарының бірінің орманшысын ұстады. Ол қылмысты 2020 жылғы ақпан-наурыз аралығында жасаған деп болжануда. Шығын шамамен 8,5 миллион теңгені құрады», - деді баспасөз қызметінде.

Аталған фактіге қатысты ҚР ҚК 340-бабы бойынша сотқа дейінгі тергеу амалдары жүргізілуде.