Павлодарда автокран жанып кетті

Өрт салдарынан келтірілген шығын көлемі анықталуда, деп хабарлайды Рavlodarnews.kz.

«3 қараша күні сағат 18.12-де Алюминий зауыты ауданында өрт шыққаны туралы хабарлама келіп түсті.  Ашық аумақта 2007 жылы шығарылған «Сю Гонг» автокранынан өрт шыққан», - деді облыстық ТЖД баспасөз қызметінің өкілдері.

Көліктің мотор бөлігінде резеңке-техникалық бұйымдары мен 2 шаршы метр алаңда кабина салонының қаптамасы жанған. 

Тілсіз жау 18 сағат 36 минутта жойылды. Оқиға орнында жеке құрамнан 7 адам және 2 техника жұмыс істеді.