Маңғыстауда көктайғақ салдарынан 5 автожол жабылды

Маңғыстауда ауа райының қолайсыздығына байланысты республикалық маңызды 5 автокөлік жолы жабылды. Аймақта 2-3 күннен бері қар аралас жаңбыр жауып, жол бетіне мұз қатқан.

Соның салдарынан көлік апаты көбейді. Ақтау – Құрық тасжолында жедел жәрдем көлігі аударылып, 2 адам зардап шекті. Синоптиктер бүгін де аймақта қар аралас жаңбыр жауады деп болжап отыр. 

Сондай-ақ, бүгін еліміздің үш өңірінде дауылды ескерту жарияланды. Синоптиктер Қарағанды және Жамбыл облыстарында тұман мен бұрқасын болады деп болжап отыр. Үшінші желтоқсан күні түнде Маңғыстау облысының солтүстігінде 20 градусқа дейін қатты аяз күтіледі.