Ол 14 күнге карантинге жатқызылды
Нұр-Сұлтан қаласына ұшып келген Ресей елшілігі қызметкері ПТР-тестілеуден өтіп, одан коронавирус анықталған. Бұл туралы Көліктегі бас мемлекеттік санитар дәрігер Сәдуақас Байғабылов хабарлады.
«Өзі туралы анкетада ол Ресей азаматы екенін және сол елдің Сыртқы істер министрлігінде жұмыс істейтінін, РФ-ның Қазақстандағы елшілігіне келгенін көрсетті», - дейді Сәдуақас Байғабылов.
Қазір ресейлік азамат 14 күнге карантинге жатқызылған.