Көктайғақ кесірінен тағы тоғыз адам жарақат алған
Алматыда түнде жауған қардан кейін жол апаты күрт көбейген. Қалада бір түнде 39 жол-көлік оқиғасы болып, одан тоғыз адам түрлі деңгейде дене жарақаттарын алған. Көлік апатының кесірінен екі адам мерт болды.
«Осы орайда, барлық көлік жүргізушілеріне өз техникалық құралдарын қысқы мезгілге дайындап, дөңгелектерін ауыстыруын сұраймыз. Ең бастысы, жол жүру ережелерін қатаң сақтап, жүргізушілік мәдениетті ұстануы тиіс. Жол үстінде өзара сыйластық таныту - ең бірінші жол қауіпсіздігінің кепілі және алып шаһардағы жол-көлік оқиғаларын болдырмаудың бірден-бір жолы екенін баса айтамыз», - деп Алматы қалалық ПД баспасөз орталығы.
Жол-көлік оқиғаларының алдын алу мақсатында полиция күшейтілген режімде жұмыс істеп жатыр.