Балқаш қаласында ғимарат құлады

12 қараша күні Балқаш қаласындағы Ленин көшесі бойында бос тұрған ғимарат құлады. Оның шамамен 360 шаршы метр алаңдағы қабырғасы қираған, деп хабарлайды Azattyq Rýhy тілшісі ТЖМ ресми өкілі Талғат Уәлиге сілтеме жасап.

«Қабырғаның құлауы салдарынан іргелес ғимараттағы авто жөндеу шеберханасында 4 адам жарақат алды. Сондай-ақ авто жөндеу шеберханасы цехының шатыры, терезелері, қабырғасы, сондай-ақ жабдықтар мен 3 жеңіл автокөлік зақымдалды», - деп жазылған ақпаратта.

Жарақат алған төрт авто жөндеу шеберханасының қызметкері дәрігерлер тексергеннен кейін үйлеріне жіберілді. Оқиғаның мән-жайы анықталып жатыр.