Лифт 22-қабатта тұрып қалған
Алматыдағы көпқабатты тұрғын үйлердің бірінде істемей қалған лифтіден алты адам құтқарылды. Олардың үшеуі - балалар, деп хабарлайды Azattyq Rýhy тілшісі Алматы қалалық ТЖД баспасөз қызметіне сілтеме жасап.
«112-ге хабарласқан әйел лифтіде ауа жетпей, балалардың тұншыға бастағанын айтқан. 10 минуттың ішінде арнайы маман табылып, адамдар лифтіден шығарылды», - деп жазылған хабарламада.
Лифт жөнделді. ТЖД оқиға туралы тиісті инспекцияға хабар берген.