Зардап шеккендер ауруханаға жеткізілді
Ақтауда Toyota Prado жол талғамайтын көлігі Toyota Camry жеңіл автокөлігімен соқтығысып, бірнеше адам жарақат алды, деп хабарлайды Azattyq Rýhy тілшісі Маңғыстау облыстық полиция департаментінің баспасөз қызметіне сілтеме жасап.
«Жол апаты 14 қазанда 17-ықшамаудандағы Caspyi Towers тұрғын үй кешеніне жақын маңда болды. Toyota Prado жол талғамайтын көлігінің жүргізушісі Toyota Camry машинасын соғып кетті», - деп жазылған хабарламада.
Оқиға орнына Ақтау полиция бөлімінің патрульдік полиция батальонының жақын экипажы шықты. Зардап шеккендер Маңғыстау облыстық ауруханасына жеткізілді. Көлік айыппұл тұрағына қойылды.