Қайғылы оқиға 3 қазан күні сағат 21:10 шамасында болған
Павлодар облысы Ақтоғай ауданында болған жол апаты салдарынан бес адам қаза тапты. Бұл туралы аймақтық Полиция департаментінің баспасөз қызметі хабарлады.
Қайғылы оқиға 3 қазан күні сағат 21:10 шамасында Ақтоғай – Шолақсор автожолының 63-ші шақырымында болған.
«ВАЗ-21041» көлігінің 43 жастағы жүргізушісі 47 жастағы жүргізуші тізгіндеп келе жатқан «МТЗ» тракторының тіркемесіне қатты екпінмен келіп соғылған. Жол-көлік апаты салдарынан автокөліктің жүргізушісі мен оның төрт жолаушысы аса ауыр жарақаттар алғандықтан, оқиға орнында көз жұмды», - делінген ПД хабарламасында.
Қазіргі уақытта сот-медициналық сараптамасы тағайындалып, тексеру жұмыстары жүргізіліп жатыр.