Сондай-ақ, шыңға Қарулы Күштер атынан ескерткіш мәрмәр плитасы орнатылды
ҚР ҚК Арнайы операциялар күштерінің әскери қызметшілері 4010 метр биіктікте Іле Алатауы жотасының сілемінде орналасқан Абай шыңына шықты, деп хабарлайды Azattyq Rýhy тілшісі ҚР Қорғаныс министрлігінің баспасөз қызметіне сілтеме жасап.
Акция қазақтың ұлы ойшылы, жазушы және қоғам қайраткері Абай Құнанбаевтың мерейтойына орайластырылды. Жарысқа қатысушылар маршрут бойынша қозғалысты «Туюк-Су қақпасы» базалық лагерінен бастады.
Күрделі сейсмикалық қауіпті учаскелер мен жету қиын жартастарды еңсеру барысында әскери қызметшілер жауынгерлік машығы мен нағыз шеберлігін көрсетті. Топ құрамында алғаш рет осы биіктікті бағындырған альпинистер де болды. Шыңға жетіп, әскери қызметшілер оған Қазақстан Республикасының туын тікті. Сондай-ақ, шыңға Қарулы Күштер атынан ескерткіш мәрмәр плитасы орнатылды.