Өрт қаупі кезеңінің басынан бастап елімізде 591 орман өрті тіркелді
21-28 тамыз аралығында Қазақстан аумағында 208 орман-дала өрті мен жану тіркелді, деп хабарлайды Azattyq Rýhy тілшісі.
«Елімізде өрт қаупі кезеңі жалғасуда. Өрт қауіпті кезеңнің басынан бастап елімізде 591 орман (2019 ж. – 539) және 104 дала (2019 ж. – 49) өрті тіркелді. Дала алқаптарында 3 142 жану (2019 ж. – 4 481) орын алды. Жану алаңы 244 мыңнан астам гектарды (2019 жылы – 145 мың га) құрады», - деп жазылған ақпаратта.
Сонымен қатар өрт қауіпті кезеңнің басынан бастап ел аумағында ауыл шаруашылығы өндірушілерінің егіс алқаптарында 15 өрт (2019 ж. – 26) болды.