Жарақат алған екі адам Баянауыл орталық ауруханасына жеткізілді
Павлодар облысында жол апатынан бес адам көз жұмды, деп хабарлайды Azattyq Rýhy тілшісі Pavlodarnews.kz сайтына сілтеме жасап.
«ВАЗ 21713» көлігінің тізгінінде елорда тұрғыны отырған. Ол қарама-қарсы жолаққа шығып кетіп, «ВАЗ 21703» автокөлігімен соқтығысқан. Бетпе-бет соқтығысу салдарынан «ВАЗ 21713» көлігінің жүргізушісі мен үш жолаушысы және екінші көліктегі бір жолаушы оқиға орнында көз жұмды», - деп жазылған ақпаратта.
Жарақат алған екі адам Баянауыл орталық ауруханасына жатқызылды. Сотқа дейінгі тергеу басталды. Сараптамалар тағайындады. Көліктер айып тұрағына жіберілді.