Аймақта коронавирус жұқтырғандар саны 10 есе азайды
Коронавируспен ауыратын науқастарды емдеуге арналған мыңға жуық дәрі Таразға Польшадан жеткізілді, деп хабарлайды Azattyq Rýhy тілшісі «Хабар 24»-ке сілтеме жасап.
Гуманитарлық көмекті жеткізу процесін бақылау тобы басқарды. Оның міндеті - мұқтаж адамдарға дәрі-дәрмектерді уақтылы жеткізуді қамтамасыз ету. Мамандардың айтуынша, аймақта коронавирус жұқтырғандар саны 10 есе азайды. Стационарларда 160 адам қалып отыр.
«Дәрілер пациенттерге тегін таратылады. Біздің мамандар дәрілік препараттармен қамтамасыз ету мәселесін ерекше бақылауда ұстайды. Өйткені, препараттарды жоғары бағамен сату жағдайлары бұған дейін болды»,- деді Сыбайлас жемқорлыққа қарсы іс-қимыл департаменті басшысының бірінші орынбасары Равиль Тюлебаев.