Павлодарда карантин кезінде 15 кальян бары жұмыс істеді

Павлодарда карантин кезінде 15 кальян бары жұмыс істеді, деп хабарлайды Azattyq Rýhy тілшісі Polisia.kz-ке сілтеме жасап. 

Павлодар қаласы, Полиция басқармасының қызметкерлері карантин шараларын сақтау бойынша профилактикалық рейдтік іс-шаралар жүргізеді. Сонымен, карантин режимі кезінде полиция тыйым салынғанына қарамастан жұмыс істеген 15 кальян барын анықтады. Осы мекемелерге барған кезде кальян шегетін 40-тан астам тұтынушы анықталды, олардың барлығы ҚР ӘҚБК 441-бабы бойынша жауапкершілікке тартылды. 

«Сондай-ақ, әкімшілік-құқықтық сипаттағы шараларға осы мекемелердің 15 әкімшісі мен кальяншылары тартылды, оларға ҚР ӘҚБК 441-бабы бойынша айыппұл салынды. Кальян иелері ҚР ӘҚБК 425-бабы «Халықтың санитарлық-эпидемиологиялық салауаттылығы саласындағы заңнама талаптарын бұзу» бойынша әкімшілік жауапкершілікке тартылды» делінген хабарламада.