Атырауда жаяу жүргіншілер өткелінен өтіп бара жатқан оқушыны автобус қағып кетті

Автор: Алмас Ерсін

Оқиға салдарынан автобустың екі жолаушысы медициналық көмекке жүгінген

Фото: istockphoto.com

Атырауда қоғамдық көліктің қатысуымен болған жол апатынан үш адам зардап шекті, деп хабарлайды Azattyq Rýhy «Ақ Жайық» басылымына сілтеме жасап.

Жол-көлік оқиғасы Азаттық даңғылында, «Торговая база» аялдамасы маңында болған. Автобус жетінші сынып оқушысын қағып кеткен. Куәгерлердің айтуынша, қоғамдық көлік №64 бағыт бойынша жүрген.

Атырау облыстық Полиция департаментінің мәліметінше, оқушыдан бөлек, Yutong маркалы автобустың екі жолаушысы да зардап шеккен. Олар медициналық көмекке жүгінген.