Алматының Алмалы ауданында көлік өртеніп, өрт сөндірушілер жалынды жедел сөндірді. Зардап шеккендер жоқ, өрттің себебі анықталып жатыр
Алматыда жеңіл автокөлік өртенді. Төтенше жағдайлар министрлігі өртті сөндіру сәтінің бейнежазбасын жариялады, деп хабарлайды Azattyq Rýhy Төтенше жағдайлар министрлігіне сілтеме жасап.
Ведомствоның Telegram-арнасындағы мәліметке сәйкес, көлік Алмалы ауданындағы Тлендиев көшесінде өртенген.
Өрт сөндірушілер жалынды ауа-механикалық көбік көмегімен жедел сөндірді.
«Зардап шеккендер жоқ. Өрттің шығу себебі анықталып жатыр», – деп мәлімдеді министрлік.
Төтенше жағдайлар министрлігі көлік құралдарында өрт қауіпсіздігі ережелерін қатаң сақтауды еске салады.