«Хирургтің дипломы болмаған»: Шымкентте блефаропластика жасатқан әйелдің бір көзі көрмей қалды

Шымкентте бір әйелге блефаропластика жасатып, оны бір көзінен айырған хирург 1,6 жылға сотталды, деп хабарлайды Azattyq Rýhy.

Бұл туралы қалалық прокуратура хабарлады. Дереккөзге сүйенсек, операция жасаған хирургтің тиісті дипломы және лицензиясы болмаған.

«Сот оны Қылмыстық кодекстің 322-бабының 2-бөлігі бойынша кінәлі деп танып, 1 жыл 6 айға соттады. Сондай-ақ 3 жыл мерзімге медициналық және фармацевтикалық қызметпен айналысу құқығынан айырылды», - деп хабарлайды прокуратура.

Өкінішке қарай, қабағына қатпар салғысы келген әйелдің бір көзі мүлде көрмей қалған.