Жолаушылар әуежайдың 2-терминалынан кіре алады
LRT-ның Астана халықаралық әуежайындағы бекетіне көше жақтан кіретін есік 20-25 күн бойы жөнделетін болды, деп хабарлайды Azattyq Rýhy.
Астана халықаралық әуежайының баспасөз қызметі таратқан ақпаратқа сүйенсек, бұл кіреберісті жөндеу керек, сондықтан, 20-25 күн бойы бекеттің сырттағы есігі жабық болады.
Бірақ жолаушылар бұл бекетке Астана халықаралық әуежайының 2-Терминалы арқылы кіре алады.
Осы шектеуге байланысты әуежайдың баспасөз қызметі жолаушыларға өз маршрутын алдын ала жоспарлауды ұсынады.