Оның ісін елге танымал судья Зарема Хамидуллина қараған болатын
Атырау облысының қылмыстық істер жөніндегі мамандандырылған ауданаралық соты төрт адамды өлтірді деген күдікті Сұлтан Сәрсемәлиевті өмір бойына соттады, деп хабарлайды Azattyq Rýhy.
Бұндай үкімді аса ауыр қылмыстарды қарайтын судья Зарема Хамидуллина шығарды.
Естеріңізге сала кетейік, 2025 жылдың желтоқсан айында полицияға 66 жастағы ер адамның, 64 жастағы әйелдің, сондай-ақ олардың балалары - 32 жастағы ұлы мен 35 жастағы қызының хабар-ошарсыз кеткені туралы хабарлама түскен болатын. Туыстарының айтуынша, отбасы қараша айынан бері байланысқа шықпаған. Төртеуі де жоғалып кеткен адамдар ретінде іздеуге жарияланды. Осы дерек бойынша сотқа дейінгі тергеп-тексеру басталып, жедел-тергеу тобы құрылған.
Кейін Атыраудағы ерлі-зайыптыны өлтірді деген күдікпен олардың күйеу балалары Индонезияда қолға түскен болатын.
Атырау облысының прокуратурасының мәліметіне сүйенсек, күдікті Сұлтан Сәрсемәлиев балдызы балдызы Наурыз Мұқанғалиевті мамырда, ал, қайын атасы мен қайын енесін және тағы бір балдызын қараша айында өлтірген.