Каспийде сапборд мінген екі жігіт ашық теңізге ағып кете жаздады (ВИДЕО)

Ақтаудағы Каспий теңізінде сапборд мінген екі жігіт ашық теңізге ағып кете жаздады, деп хабарлайды Azattyq Rýhy.

Бұл туралы төтенше жағдайлар министрлігінің баспасөз қызметі хабарлап, құтқару операциясының видеосын көрсеткен.

Дереккөзге сүйенсек, екі адамды қатты ағыс алып кеткен.

«Екі жігіт сапборд тақтасымен серуендеуге шыққан. Күшті ағыс оларды теңізге қарай алып кеткен. Судағы профилактикалық іс-шаралар барысында ТЖМ жедел-құтқару жасағының қызметкерлері Ақтау қаласының 4А шағын ауданы маңында жағадан шамамен 500 метр қашықтықта көмек сұраған адамдарды байқаған», - деп хабарлайды ТЖМ.

Құтқарушылардың мәліметіне сүйенсек, екі жігіт жағаға аман-есен жеткен соң дәрігерге жүгінуден бас тартқан.