Бурабайда неміс туристер мінген қайық сынып қалып, олар құтқарушы шақыруға мәжбүр болған (ВИДЕО)

Ақмола облысындағы Бурабай көлінде туристер мінген қайық сынып қалып, олар құтқарушы шақыруға мәжбүр болған, деп хабарлайды Azattyq Rýhy. 

ТЖМ-ның баспасөз қызметі хабарлағандай, көл ортасына келіп, сынып қалған катердің ішінде алты адам, соның ішінде Германияның екі азаматы болған.

«Оқиға туралы хабарлама түскен бойда ТЖМ Жедел-құтқару жасағының қызметкерлері дереу оқиға орнына аттанып, туристерді жағаға аман-есен жеткізген», - деп хабарлайды ТЖМ.

Құтқарушылар туристердің алғыс айтып тұрған сәтін видеоға түсіріп алып, әлеуметтік желіге салған.