Бес адам 8 жылға, бір адам 7,5 жылға сотталды
Орта Азия елдерінен келген алты адам Астана тұрғынын күшпен ұрлап, қала аумағынан алып шыққаны үшін және оның 80 мың теңгесін күштеп алған, деп хабарлайды Azattyq Rýhy
Бұл оқиға туралы «Сарыарқа» ауданының прокуратурасы мәлімдем отыр. Оларға қатысты іс адам ұрлау және өзбетінше билік ету баптары бойынша қаралған.
«2024 жылдың 9 желтоқсаны күні алты адамның бірі «істеген жұмысымның ақшасын төлемедің» деп, Астана тұрғынынан 80 мың теңгесін күшпен өзіне аударып алған. Кейін алдын ала сөз байласқан адамдар тобы пайдакүнемдік ниетпен күш қолдану арқылы оны Астана қаласының аумағында ұрлап әкеткен», - деп хабарлайды прокуратура.
Сотта прокурор алты адамның кінәсін дәлелдеп, оларға ауыр жаза тағайындауды сұраған.
«Астана қаласының қылмыстық істер жөніндегі ауданаралық сотының үкімімен бес адам алдын ала сөз байласқан адамдар тобының пайдакүнемдік ниетпен адам ұрлағаны үшін 8 жылға бас бостандығынан айырылды. Ал, тағы бір адам осы қылмысқа көмектесіп, өз бетінше билік еткені үшін 7 жыл 6 айға бас бостандығынан айырылды», - деп хабарлайды прокуратура.