Жамбыл облысында 17 жастағы мектеп оқушысы жоғалып кетті

Бір күн бұрын ол Тараздағы үйінен шығып, қайтып оралмаған, деп хабарлайды Azattyq Rýhy облыстың баспасөз қызметіне сілтеме жасап.

«Жамбыл облыстық полиция басқармасы 2002 жылдың 29 шілдесінде дүниеге келген 11-сынып оқушысы Асылжан Доктырбайды іздеуде. 31 қазанда сағат 12:00-де қыз үйден шығып, әлі күнге дейін оралмаған. Белгілері: бойы 150-155 сантиметр, дене бітімі орташа, шашы ұзын қоңыр. Ерекшеліктер: төменгі ернінде мең бар», – деді полиция өкілдері.

Қыз ақ кеудеше, ақ кроссовка, қара шалбар киіп, қара сөмкесін асынған.

«Жоғалған қыз туралы ақпарат білетіндердің 8 (7262) 34-36-35, 99-75-05 немесе 102 нөміріне хабарласуын сұраймыз», – деді полиция.