Ақтауда жоғалған ер адам ауылдан табылды
38 жастағы Андрей Сотниченко тірі және денсаулығы жақсы, ол табыс табу үшін ауылға кеткен
Ақтау қаласында жоғалған 38 жастағы Андрей Сотниченко Маңғыстау ауданының Жармыш ауылынан табылды. Полицейлердің хабарлауынша, ер адам тірі және денсаулығы жақсы – ол уақытша жұмыс істеу үшін ауылға кеткен, деп хабарлайды Azattyq Rýhy Lada.kz сайтына сілтеме жасай отырып.
Аймақтық полиция департаментінің мәліметінше, Андрей Сотниченконы 4 наурыз күні түнгі сағат 2 шамасында Жармыш ауылында майор Бауыржан Айбеков тауып алған.
«Ер адам тірі және денсаулығы жақсы. Ол табыс табу үшін ауылға кеткен және қазір Ақтауға қайтып келе жатыр», – деп хабарлады ведомстводан.
Еске салсақ, Андрей Сотниченконы таныстары іздеген. Бір апта бойы көрмеген көршілері уайымдаған.
Көп оқылған
Редактордың таңдауы
