«Шырынның ішінде шыбын-шіркей жүр»: Алматы әуежайындағы аппараттың сусыны бойжеткенді шошытты (ВИДЕО)

Желі қолданушысы Алматы әуежайында орналасқан вендиң аппараттың санитариялық жағдайына шағымданды, деп хабарлайды Azattyq Rýhy.

Оның айтуынша, аппарат апельсин шырынына шыбын-шіркей қосып жасап берген. Автор жариялаған видеода вендиң аппараттың лас екені анық көрінеді.

«Алматы әуежайында вендиң аппараттан апельсин шырынын сатып алдым. Бағасы - 3000 тг. Өкінішке қарай, ішінен көп майда шыбын шықты», - деп жазды ол.

Желі қолданушысы көрсетілген телефон нөмірлеріне қоңырау шалуға тырысқанын, алайда ешкімнің жауап бермегенін жеткізді.

Редакция әуежай әкімшілігіне сұрау салды. Әзірге жауап жоқ.