14 жастағы бала ауруханаға жеткізілді
Тараз қаласында Төле би және Жамбыл даңғылдарының қиылысында Mercedes маркалы автокөліктің жүргізушісі жаяу жүргіншілер өткелінен өтіп бара жатқан 14 жастағы жасөспірімді қағып кетті, деп хабарлайды Azattyq Rýhy.
Жол-көлік оқиғасы салдарынан жасөспірім түрлі дене жарақаттарымен ауруханаға жеткізілді.
Полиция департаменті хабарлағандай, қазіргі уақытта 21 жастағы жүргізуші полиция бөліміне жеткізілді, көлік құралы айып тұрағына қойылды. Оқиғаның барлық мән-жайын анықтау үшін қажетті тергеу шаралары жүргізіліп жатыр.