Жамбыл облысында үш жігіт құмда адасып кетті

Автор: Алмас Ерсін

Іздеуге кинологиялық есеп топтар мен дрондар жұмылдырылды

Фото: ТЖМ

Жамбыл облысында құтқарушылар құмды далада адасып кеткен үш тұрғынды тапты, деп хабарлайды Azattyq Rýhy.

Оқиға қалай болды

Төтенше жағдайлар министрлігі баспасөз қызметінің мәліметінше Меркі ауданы Татты ауылынан 30 шақырым жерде ТЖМ қызметкерлері полиция департаментінің қызметкерлерімен бірлесіп ауқымды іздестіру операциясын жүргізді.

«Үш жас жігіт автокөлікпен шығып, құмды жерде адасып кеткені белгілі болды. Іздеуге кинологиялық есеп топтар мен ТЖМ ұшқышсыз ұшу аппараттары жұмылдырылды. Іздестіру тобы үш адамды тауып алды», - деп жазылған хабарламада.

Оларға медициналық көмек қажет болған жоқ.

ТЖМ ескерту жасады

Төтенше жағдайлар министрлігі жету қиын немесе таныс емес аудандарға барғанда әрдайым жақын адамдарға бағдарды хабарлау қажеттігін еске салды. Сонымен қатар су қоры мен қуатталған телефондарды алып жүру маңызды. Тәуліктің қараңғы уақытында жол жүруден бас тартқан жөн.