Оған бірнеше шенеунік пен ірі қалалардың әкімдері қатысқан
Премьер-министр Олжас Бектенов Мемлекет басшысының тапсырмаларын орындау аясында авиациялық хабтарды дамыту және автожол саласын жетілдіру мәселелеріне арналған кеңес өткізді. Жиынға бірқатар министрліктердің басшылары мен Астана және Алматы қалаларының әкімдері қатысты, деп хабарлайды Azattyq Rýhy үкіметтің баспасөз қызметі.
Кеңесте 2040 жылға қарай жаһандық әуе нарығының екі есеге ұлғаюы жөніндегі әлемдік болжамдарды ескере отырып, алдағы үш жылға арналған Азаматтық авиацияны дамыту жоспары таныстырылды.
ICAO стандарттарына сәйкестік деңгейі Қазақстанда 95,7%, бұл әлемдік (72,01%) және орташа еуропалық көрсеткіштерден (87,92%) жоғары.
Жоспарда әуежайлар мен навигациялық инфрақұрылымды жаңғырту, халықаралық және ішкі рейстер желісін кеңейту көзделген.
Әуе кемелері паркін ұлғайту және мамандар даярлау жүйесін халықаралық оқу орталықтарының қатысуымен дамыту жоспарлануда.
Астана мен Алматы әуежайларын өңірлік аэрохабтар ретінде дамыту мәселелері талқыланды.
Екінші ұшу-қону жолағының құрылысына арналған жобалау-сметалық құжаттама әзірленуде.
Жаңа жолаушылар және жүк терминалдары, сондай-ақ инфрақұрылымды толық жаңарту жоспарланған.
Horizon стратегиялық бағдарламасы шеңберінде кең ауқымды жаңғырту өтуде.
Терминалдарды реконструкциялау, ұшу-қону жолақтарын жаңарту және өткізу қабілетін арттыру қарастырылған.
Әуежай базасында жүк және техникалық кластерлер, сервистік экожүйе құрылмақ.
Өңірлер арасындағы байланысты күшейту мақсатында субсидияланатын ішкі авиамаршруттарды дамыту шаралары қаралды.
Биылғы 10 айда жолаушылар тасымалы 6% өсіп, 13 млн адамнан асқан.
Жиынға қатысушылар авиация саласының туризм, сауда, өңірлік даму және инвестиция тарту сияқты бағыттарға тигізетін мультипликативтік әсерін атап өтті.
Халықаралық бағалауларға сай, саладағы әрбір 100 жұмыс орны экономикада қосымша 610 жұмыс орнын құрады.
Қазақстанның жүк әлеуетін арттыру үшін әуе жүк тасымалын дамыту бойынша перспективалар белгіленді.
Олжас Бектенов Көлік министрлігіне:
Кеңесте автожол инфрақұрылымын дамыту тәсілдері қарастырылды. Негізгі назар жолдардың қазіргі жағдайына, олардың жабынының сапасын жақсарту құралдарына және инфрақұрылымдық жобаларды тиімді жүзеге асыруға аударылды.