Су тасқынынан шамамен 300 млрд теңге шығын келді - Бозымбаев

Көктемгі су тасқынынан алдын ала деректер бойынша, шамамен 300 млрд теңге шығын келген. Бұл туралы үкіметтегі брифинг кезінде премьер-министрдің орынбасары Қанат Бозымбаев айтты, деп хабарлайды Azattyq Rýhy.

Бұдан бұрын шенеунік инфрақұрылымға келген зиян шамамен 53 млрд теңгеге тең екенін айтқан

«Алдын ала есептеулерге сүйенсек, су тасқынынан келген шығын 300 млрд теңгеден асады. Бұл нақты сан емес. Әлі бөгеттер, жолдар, құбырлар қалпына келіп жатыр. Содан кейін нақты есепті береміз», - деді ол.

Қанат Бозымбаев көктемгі су тақынынан келген шығынды жыл соңына дейін есептеп бітіреміз дейді. Оның сөзінше, мемлекеттік бюджеттен үй салуға 137 млрд теңге жұмсалған.