Бозымбаев су тасқыны туралы үлкен брифинг өткізбек

Премьер-министрдің орынбасары Қанат Бозымбаев су тасқынының шығыны, оның салдарлары туралы брифинг өткізеді. Бұл туралы бүгін ол үкімет кулуарында журналистердің сұрағына жауап бере отырып, мәлім етті, деп хабарлайды Azattyq Rýhy.

«25 маусым күні міндетті түрде брифинг өткіземін», - деді ол үкімет отырысына асығып бара жатып.

Бозымбаевтың айтуынша, су тасқынының шығыны, су тасқынынан кейін өңірлерді қалпына келтіру мәселелері, жаңа үйлердің құрылысы сияқты сұрақтарға жауап береді.

Сондай-ақ вице-премьер «су тасқынынан кейін салынып жатқан үйлердің сапасы қандай болады» деген сұраққа жауап бере отырып, жаңа құрылыстардың сапасы тиісті мекемелердің өкілдері тексеріп жүргенін айтты.