Бейнебақылау камералары жолдағы қозғалысты тәулік бойы бақылайды
Ақылы жолдарда төлем алу жүйесін орнату және қызмет көрсетуге қатысты инвестициялық жоба аясында биылдан бастап еліміздің тасжолдарында бейнебақылау камералары орнатыла бастайды. Жалпы алғанда, еліміздегі республикалық маңызы бар автожолдардың 11 мың шақырым бөлігінде 600 камера орнату жоспарланып отыр.
«Камералар жолдағы қозғалысты тәулік бойы бақылайды. Тұтастай алғанда, мұндай қондырғылар 2024 жылға дейін еліміздегі республикалық маңызы бар жолдардың 32 учаскесінде пайда болмақ», - делінген ведомство хабарламасында.
Министрліктің хабарлауынша, бұл көлік қозғалысының жылдамдығы мен бағытын, мемлекеттік тіркеу нөмірінсіз жүрген автокөліктерді анықтауға мүмкіндік береді.