Бүгін Мемлекет басшысының өкімімен Сыртқы істер министрлігінің жауапты хатшысы мен Сыртқы істер министрінің орынбасары тағайындалды
Қазақстанның Польшадағы елшісі Марғұлан Баймұхан қызметінен босатылып, Сыртқы істер министрінің орынбасары қызметіне тағайындалды.
Марғұлан Бақытұлы Баймұхан 1974 жылы 6 қыркүйекте Алматы облысында дүниеге келген. 2013 жылдан бастап 2015 жылға дейін - сыртқы саясатты талдау және болжау комитеті төрағасының орынбасары қызметін атқарды.
Сондай-ақ Мемлекет басшысының өкімімен Әркен Хамитұлы Өтенов Сыртқы істер министрлігінің жауапты хатшысы қызметіне тағайындалды. Әркен Өтенов бұған дейін Президент Әкімшілігінің Сыртқы саясат орталығы меңгерушісінің орынбасары болған.