Одан бөлек, Жерді қашықтан зондтау мәселесін талқылады
ҚР Премьер-министрі Асқар Мамин «Роскосмос» ғарыш қызметі жөніндегі мемлекеттік корпорациясының бас директоры Дмитрий Рогозинмен кездесу өткізді.
Екі тарап ғарыш саласындағы Қазақстан – Ресей ынтымақтастығы, оның ішінде «Байқоңыр» ғарыш айлағын одан ары дамыту мен Жерді қашықтан зондтау саласындағы өзара іс-қимылды талқылады.
«Бәйтерек» бірлескен ғарыш зымыран кешенін («Назарбаев старты») құру жобасына және БАӘ-мен бірлескен, «Гагарин стартын» жаңғыртудың үшжақты жобасына ерекше назар аударылды.
Кездесуге ҚР цифрлық даму, инновациялар және аэроғарыш өнеркәсібі министрінің міндетін атқарушы Бағдат Мусин қатысты.