Қазақстанның диқандары 20 миллион тонна астық бастырды

Қазақстанның диқандары әр гектардан 14,8 центнер өнім жинай отырып 20 млн тоннадан астам астық бастырды, деп хабарлайды Azattyq Rýhy.

Ауыл шаруашылығы министрлігінің мәліметіне сүйенсек, күзгі орақ кезінде 150 мыңға жуық трактор мен 36 мыңнан астам комбайн егін орған.

«Жалпы алғанда, 10,7 млн гектар жерден 15,2 млн тонна бидай, 1,9 млн гектардан  3,3 млн тонна арпа, бастырылды, 158,2 мың гектар жерден 250 мың тонна сұлы жиналды», - деп жазады АШМ.

Айта кетейік, биыл шаруаларға көктемгі және күзгі егін науқаны үшін жеңілдікпен 580 млрд теңге қаржы бөлінген.