ҰЭМ мен Қаржы министрлігі бұл мәселені қайта қарайды
Ұлттық экономика министрі Нұрлан Байбазаров Үкімет отырысынан кейін өткен брифингте мобильді аударымдар жайлы айтты.
Министр бұл сұрақ өте маңызды екенін атап өтті.
«Сондықтан мен бұл мәселені қайта қарауды тапсырамын. Бұл мәселені қаржы-экономикалық блокта тағы бір рет қарастырамыз. Тетік пен критерийлерін егжей-тегжейлі талқылаймыз», - деді Байбазаров.
Үкімет мүшесі бұл мәселеге қайта оралатындарын жеткізді.
ҰЭМ мен Қаржы министрлігі бұл мәселені қайта қарайды.
Еске салсақ, 2024 жылы Қазақстан кәсіпкерлік белсенділік белгілері бар мобильді аударымдарды жалпыға бірдей декларациялаудың екі кезеңінде тексереді.
Авторы: Аягөз ҚҰРМАШ