Қазақстанда тиімсіз жұмыс істеген министрліктер мен ведомстволар аталды

2022 жылдың қорытындысы бойынша орталық мемлекеттік органдар (ОМО) жоспарының орындалу көрсеткіші жалпы бағада 100 балдан 93,9 балды құрады. Бір жыл бұрын ОМО бойынша орташа балл 92,9 болған, деп хабарлайды Azattyq Ruhy.

Ranking зерттеуінше, былтыр ОМО дамыту жоспарында 76 мақсаттың 59 мақсатына қол жеткізілген. Бюджет бағдарламаларымен өзара байланысты 302 мақсатты индикатор анықталды, оның 242-сі толық, 25-і жартылай орындалды, 5-і орындалмады және 30-ы есепке алынбады.

Сондай-ақ 128 макрокөрсеткіштің 60-ына толық қол жеткізілді, тағы 10-ы жартылай орындалды және 58-і есепке алынбады (ҚР АКСР Ұлттық статистика бюросының жедел және қорытынды мәліметтерінің жоқ болына байланысты).  

Мәселен, мақсатты индикаторлардың жалпы саны 430-ды құрады. Оның 302-сі толық орындалды (немесе 70,2%; 2021 ж. – 70,2%), 35-і (немесе 8,1%; 2021 ж. – 94%) ішінара орындалды, 5 (немесе 1,2%; 2021 ж. – 1,1%) қол жеткізілмеген, 88 (немесе 20,5%; 2021 ж. – 19,3%) есепке алынбаған.

«Өткен жылдың қорытындысы бойынша Ұлттық экономика министрлігі (ҰЭМ) орталық мемлекеттік органдардың арасында 100 балл жинаған ең тиімді ведомство атанды. Бір жыл бұрын да ҰЭМ 98,8 ұпаймен бірінші орында болды. Одан кейін 99,2 балмен Сыртқы істер министрлігі (СІМ) және 99 балмен Мемлекеттік қызмет істері агенттігі (МҚІА) тұр», - дейді сарапшылар.

2021 жылмен салыстырғанда МҚІА (бірден +6,6 балл), Денсаулық сақтау министрлігі (+6 балл) және Сыртқы істер министрлігі (+5,2 балл) өз бағалау көрсеткішін айтарлықтай жақсартты.

«2022 жылы 90-нан аз балды қол жеткізген мақсатты индикаторлардың ең аз көрсеткішімен ерекшеленген үш министрлік қана алды. Орталық мемлекеттік органдар арасында 86,5 ұпаймен ең төменгі ұпайды Сауда және интеграция министрлігі (СИМ) көрсетті. Одан кейін 86,7 баллмен Цифрлық даму, инновациялар және аэроғарыш өнеркәсібі министрлігі (ЦДИАӨМ) және 87,3 баллмен Ғылым және жоғары білім министрлігі (ҒЖБМ) тұр», - делінген зерттеуде.

Қаржы нарығын реттеу және дамыту агенттігі (ҚНРДА) мен Мәдениет және спорт министрлігі (МСМ) 2021 жылмен салыстырғанда өз көрсеткіштерін айтарлықтай нашарлатып алған: екі мемлекеттік орган да бірден минус 5,6 балл алды.

Еске салайық: биылғы 1 қыркүйекте ҚР Президенті Қасым-Жомарт Тоқаев Қазақстан халқына дәстүрлі Жолдауының аясында арнайы Жарлыққа қол қойып, нәтижесінде төрт министрлік қайта құрылды:

• Экология және табиғи ресурстар министрлігі;
• Индустрия және инфрақұрылымдық даму министрлігі;
• Ақпарат және қоғамдық даму министрлігі;
• Мәдениет және спорт министрлігі.

Осылайша, жаңа министрліктер пайда болды:

• Су ресурстары және ирригация министрлігі;
• Көлік министрлігі;
• Туризм және спорт министрлігі;
• Мәдениет және спорт министрлігі;
• Индустрия және құрылыс министрлігі.