Қазақстандықтар бір айда 163 млд теңгеге шетел валютасын сатып алған

2020 жылдың  қаңтар айында  халық 163,4 млрд теңгеге қолма-қол шетел валютасын сатып алды. Бұл туралы ҚР  Ұлттық банкі хабарлады.

Ұлттық банктің мәліметінше, ел тұрғындары қаңтарда 163,4 млд теңгеге шетел валютасын сатып алса, 2019 жылдың  желтоқсанында  бұл көрсеткіш  269,5 млрд теңгені құраған. Яғни, алдыңғы аймен салыстырғанда жұрт  106 млд теңгеге аз шығындалған. Ал сұранысқа ие шетел валютасының көш басында    АҚШ доллары тұр.

«Мәселен, қаңтарда тұрғындар АҚШ долларын -104,8 млрд теңгеге, Ресей рублін 34,5 млрд теңгеге, еуроны –23,4 млрд теңгеге сатып алған. Дегенмен  алдыңғы аймен салыстырғанда  шетел валютасын сатып алу 39,4%-ға азайды»,-делінген Ұлттық банктің ресми хабарламасында.