Илон Маск тарихта 300 миллиард долларлық байлығы бар алғашқы адам болды

Tesla және SpaceX компанияларының басшысы Илон Маск тарихта байлығы 300 миллиард долларға жеткен алғашқы адам болды, деп хабарлайды Риа Новости.

Forbes real-Time дәл осы уақыттағы миллиардерлер рейтингісіне сәйкес, кәсіпкердің байлығы бұл белгіге Мәскеу уақытымен 16:45-те жеткен. Сол сәтте оның байлығы 7,4 миллиардқа өсіп,  298,7 миллиард долларды құраған. Яғни, 6,1 пайызға өсті.

Илон Маск өткен аптада басталған Tesla акциялары бағасының өсуі аясында байып келеді. Дүйсенбі күнгі сауда-саттықта автоөндірушінің бағалы қағаздары рекордты жаңартып, 1154,49 долларға жетті.

Акциялардың қымбаттауы «Tesla компаниясы Hertz машиналарын жалға беру компаниясына 100 мың электр көлігін жеткізеді» деген жаңалықтан кейін басталды.

Сөйтіп, Tesla-ның капитализациясы триллион доллардан асты.

2003 жылы Калифорнияда құрылған Tesla Motors электромобильдер шығарады және олармен байланысты технологияларды дамытады. Компания сондай-ақ өз технологиясы бойынша басқа автоконцерндерге, атап айтқанда Toyota және Daimler компанияларына сататын батареялар мен электр қозғалтқыштарын жасайды.