Алатау қаласы мемлекетті кепілге қойып, қарыз алу мәртебесіне ие болады

Бүгін Алатау қаласының дамуына қатысты кеңес өткізген президент Қасым-Жомарт Тоқаев қалаға тағы бір мәртебе беру туралы мәселе көтерді, деп хабарлайды Azattyq Rýhy.

Дәлірек айтақ, Тоқаев қалаға мемлекетті кепілге қойып, қарыз алу құқығын беруді ұсынды. Бірақ, бұл құқық қаланың қаржы қоры қалыптасқанша жұмыс істейді.

«Үкімет бастапқы кезеңде қаланың негізгі инфрақұрылымын дамыту мақсатында тұрақты түрде қаржы бөліп отыруы керек. Басқа жол жоқ. Қажет болса, орнықты кіріс қоры қалыптасқанша Алатауға қосымша лимиттерді және мемлекеттің кепілдігімен қарыз алу құқығын беруге болады», - деді Тоқаев.

Президент қалаға үкіметтің қаржы бөлуі «әбден орынды және ойға қонымды» тәсіл деді.